පාසල් පුවත් ➤ විභාග දෙපාර්තමේන්තුවෙන් දැනුම්දීමක්
විභාග දෙපාර්තමේන්තුවෙන් දැනුම්දීමක්

Added By : Vidubima Admin
Date : May 16, 2023 07:43 pm
Views :

අධ්‍යයන පොදු සහතික පත්‍ර සාමාන්‍ය පෙළ විභාගයට අදාළව සියලු උපකාරක පන්ති පැවැත්වීම මෙම මස 23 වන දින මධ්‍යම රාත්‍රී 12.00 සිට තහනම් කෙරෙන බව විභාග කොමසාරිස් ජනරාල් අමිත් ජයසුන්දර මහතා පවසයි.

සාමාන්‍ය පෙළ විභාගය මැයි මස 29 වනදා සිට ජුනි මස 08 වන දින දක්වා දිවයින පුරා විභාග මධ්‍යස්ථාන 3,568කදී පැවැත්වීමට නියමිතය.

ඒ අනුව 23 වනදා සිට විභාග අපේක්ෂකයින් සඳහා උපකාරක පන්ති සංවිධානය කිරීම එම පන්ති මෙහෙයවීම විෂයානුබද්ධ දේශන, සම්මන්ත්‍රණ, වැඩමුළු පැවැත්වීම සම්පූර්ණයෙන්ම තහනම් වෙයි.

එමෙන්ම අනුමාන ප්‍රශ්න ඇතුළත් ප්‍රශ්න පත්‍ර මුද්‍රණය කිරීම, ඒවා බෙදාහැරීම, විභාග ප්‍රශ්න පත්‍රවල ප්‍රශ්න ලබාදෙන බවට හෝ ඒ හා සමාන ප්‍රශ්න ලබාදෙන බවට පෝස්ටර්, බැනර්, අත්පත්‍රිකා, විද්‍යුත් හෝ මුද්‍රිත මාධ්‍ය මගින් ප්‍රසිද්ධ කිරීම ද සපුරා තහනම් බව විභාග කොමසාරිස් ජනරාල්වරයා සඳහන් කරයි.

කිසියම් තැනැත්තෙකු අදාළ නියෝග කඩ කරමින් කටයුතු කරන්නේ නම් ඒ සම්බන්ධයෙන් ළඟම ඇති පොලිස් ස්ථානය වෙත දැනුම්දෙන ලෙස විභාග කොමසාරිස් ජනරාල් අමිත් ජයසුන්දර මහතා දැනුම්දෙයි.

මේ අතර අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටීමට නියමිත මෙතෙක් ජාතික හැදුනුම්පත ලබාගෙන නොමැති විභාග අපේක්ෂකයින් ඒ සඳහා වන අයදුම්පත ප්‍රාදේශීය ලේකම් කාර්යාලවලට වහාම යොමුකරන ලෙස පුද්ගලයින් ලියාපදිංචි කිරීමේ කොමසාරිස් ජනරාල් ප්‍රදීප් සපුතන්ත්‍රී මහතා දැනුම්දෙයි.

ඉල්ලුම් පත් යොමු කළ ද මෙතෙක් ජාතික හැඳුනුම්පත තහවුරු කරන ලිපිය නොලැබුණු අයදුම්කරුවන් දෙපාර්තමේන්තුවෙන් ඒ සම්බන්ධයෙන් විමසීම් සිදුකළ යුතු බවද ඔහු සඳහන් කළේය.

තහවුරු කිරීමේ ලිපිය නොලැබූ අයදුම්කරුවන්ට 0115 22 61 00 හෝ 0115 22 61 26 යන දුරකථන අංක ඇමතීමෙන් තොරතුරු ලබාගත හැකිය.

-derana-

Recently Added News